أنا نفسي أعمل مشروع جامد إسميه (حضانة وءد المستقبل).
وأعمل لها إعلانات جامدة في الشوارع كلها أكتب فيها:
الآن تستطيعين قتل أطفالك وبكل سهولة ويسر،كل ما عليكي هو إرسالهم للحضانة والباقي علينا وبهذا تتخلصي من وجع الدماغ وتستطيعي الذهاب للعمل وتجيبي فلوس،ومن مميزاتنا إننا بنعلب الطفل ونغلفه ولا بيتعلم حاجة في دينه ولا دنيته
ومع قلة الحركة بيجبله تخلف وانطوائية وممكن كمان ياخد بشلتين في وشه من زمايله
،وكمان ممكن يأخذ كورس إجرام مجاني من زمايله وكمان يتعلم لغة الإشارة بالعنين والأصابع وكل ذلك لتلبية إحتياجات سوق العمل،وكمان بنعلمه ينسي حاجة إسمها قرف أو ملل،لأنه وبفضل الله بيفضل قاعد بشخته طول النهار وبيتعلم الصبر من كتر الجلوس علي الكرسي ثمانية ساعات متواصل زي الألف يعني بنخليه من الآخر حلوف.
وأهو حتى يعيش طفولته زي الموظف من صغره،وكمان يتعلم يضيع وقته كويس ازاي.
يعني هيتخرج من عندنا جاهز علي سلة الزبالة عِدِلْ، وكل ذلك في سبيل بناء مجتمع حافي عاري جاهل عالة علي العالم ليس عنده أي مهنة أو مهارة يواجه بها الحياة .
معاًَ لوئد المستقبل...
الخميس مايو 21, 2009 2:18 pm
